Қазақстан мұсылмандары діни басқармасы жанындағы «Зекет және қайырымдылық» қорының «Ел үлесі – пәтерге» игі жобасы Маңғыстау өңірінде жалғасуда.

Бүгін аталмыш жоба аясында Маңғыстау облысында 5 дін қызметкеріне жаңа пәтердің кілттері табысталды. Игілікті істің рәсімі салтанатты түрде өтіп, баспананың кілттерін Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы арнайы табыстады.

«Ел үлесі – пәтерге» жобасы еліміз бойынша мыңдаған отбасыға қуаныш сыйлап келе жатқан белсенді қайырымдылық бастамаларының бірі. Бұл жолы Маңғыстауда табысталған 5 пәтер де – елдің ортақ үлесі мен жүрек жылуының жемісі.