Абай облысы бойынша «Зекет және қайырымдылық» қоры өкілдігінің ұйымдастыруымен «Өмірге үміт сыйла» атты қайырымдылық акциясы өтті.

Аталған игі шара аясында жалпы сомасы 1 400 000 теңге көлемінде көмек көрсетіліп, 7 отбасыға 200 000 теңгеден қаржылай қолдау берілді.

Көмек алған отбасылар – денсаулығында қиындықтары бар, ауыр дертке шалдыққан, әлеуметтік аз қамтылған және науқас бала тәрбиелеп отырған жандар.

Бұл бастама – қайырымды жандардың қолдауының арқасында жүзеге асып, мұқтаж отбасыларға үміт сыйлаған игі іс болды.