Әркім әр түрлі тағдыр кешеді. Кісіге күліп күпірлік қылғанша, шүкіршілік еткен жақсы.

Ұлжалғас Омарқұлованың күйеуі 2-топтағы мүгедек. Отағасына қарап, жұмыс істеуге қауқарсыз.

Қысқа жібі күрмеуге келмей отырған отбасыға, қызының жетімегімен келуі жығылған үстіне жұдырық болды. Төрт адам – төрт ауызға кіріс көзі жетпей жатыр.

Кентау қалалық орталық мешітінің жомарт жамағаты оларға көмек көрсетіп тұрады. Бүгін 1 тоннадан аса көмір түсіріп берді.

Отбасын тастап кеткен азаматтарға айтарымыз бар. Әйел-балаңыздан ажырап кеткеніңізбен, оларды асырау міндеті мойныңыздан түспейді.

Кәмелетке толғанша заң міндеттеген алиментті шариғат та төлеуді талап етеді. Ұлжалғас Омарқұловада кембағал, жесір, жетім, үшеуі де бар боп тұр.