Парызын орындауға келген жас кәсіпкердің қатысуымен мұқтаж 7 отбасыға зекет берілді. Бұл отбасыларды зекет мамандары алдын-ала үйлеріне барып, жағдайларымен танысып, тексерген болатын. Сонымен қатар, қордың директоры Талғат Сейіткәрімұлы зекетті жинап, оны таратудың қоғамдағы ролі мен маңыздылығы жайлы сөз қозғады.

Зекет – дінімізде намаздың сыңары, бес парыздың бірі. Оның адамдардың жанын тазартуда, мінез-құлықтарын жақсартуда ерекше бір әсері бар. Ол қоғамдағы түрлі дерттерге, қарым-қатынастардағы салқын қабақтылыққа қарсы таптырмас дауа. Ол үмбеттің ішкі байланыстарын нығайта түсетін берік жіптей жалғау. Зекет сонымен бірге жылылық пен мейірімнің, ынтымақ пен ақниеттіліктің, жандарды жадыратып, жүректерді біріктірудің, жасақтарды жарақтандырып, кіріптарлықты жоюдың және жалпы үмбеттің мүдделерін өтеудің бір көркем мысалы.

«Иман келтірген ерлер мен иман келтірген әйелдер бір-бірлеріне жанашыр,  олар жақсылыққа үндеп, жамандықтан тыяды, намаз оқиды, зекет береді, Алла пен Оның елшісіне мойынсұнады. Міне, соларға Алла рахым етеді. Расында Алла даңқты әрі аса дана» (Тәубе, 71).

Зекетке қатысты толығырақ zeket.online, zeketastana.kz, fatua.kz сайттарынан біле аласыздар. Немесе 8 775 417 19 12, 8 708 723 74 09 телефон номерлері бойынша хабарласуға болады.