С.Сейфуллин атындағы Қазақ агротехникалық зерттеу университетінің жатақханада тұратын 600 студенті Наурыз мерекесі мен Рамазан айының құрметіне орай ауызашар дастарханында бас қосты. Бұл шараны ҚМДБ «Зекет және қайырымдылық» қоры ұйымдастырды.

Ауызашар дастарханында студенттерге ұлттық тағамдар ұсынылып, Наурыздың мәні мен Рамазан айының рухани маңызы туралы әңгімелер айтылды. Қоғамдық шараның басты мақсаты - жастарды қайырымдылыққа, бірлік пен ынтымақтастыққа шақыру, дәстүрлі мерекелерімізді бірге атап өту болды.

Бұл бастама студенттер арасында мейірімділік пен өзара көмек көрсету рухын күшейтуді мақсат етеді. Шараның қорытындысы бойынша, студенттер бір-біріне жақсы тілектерін айтып, Наурыз мерекесінің және Рамазан айының ерекшеліктері туралы ой бөлісті.