ҚМДБ «Зекет және қайырымдылық» қоры шалғай ауылдардағы имамдардың жұмысын жеңілдету мақсатында оларға қызметтік мопедтерді сыйға берді. Бұл бастама ауыл имамдарының әлеуметтік әрі діни қызметін тиімді атқаруына жағдай жасауға бағытталған.

Осы орайда Жетісу облысының зекет өкілі Құмар Хадысқа 2 мопед, Қызылорда облысының зекет өкілі Оңталап Жидебайға 1 мопед табысталды. Өкілдер аталған көліктерді өз өңірлеріндегі ауыл имамдарына үлестіретін болады.

-- Өз кезегінде бұл шара ауыл имамдарының халықпен тығыз байланыста болып, әлеуметтік әрі діни қызметін сапалы атқаруына бұл үлкен қолдау болмақшы, - деді қор директоры Мақсатбек Қайырғалиев.

Қор өкілдерінің айтуынша, бұл игі бастама алдағы уақытта да жалғасын табады.