Қазақстан мұсылмандары діни басқармасының «Зекет және қайырымдылық» қоры жүзеге асырып жатқан «Мамандықтар мектебі» әлеуметтік жобасы аясында Астананың іргесіндегі «Пригород» елдімекенінде ашылған оқу орталығы өз жұмысын жандандыруда.

Атап айтқанда, қазіргі таңда балаларға арналған домбыра үйірмесі өз жұмысын бастады. Ұлттық өнерге баулитын бұл үйірме аптасына төрт рет өткізіледі: екі күн – түске дейін және түстен кейінгі сабақтардан тұрады. Үйірме қазақтың төл аспабы арқылы жас ұрпақты өнер мен тәрбиеге баулуды көздейді.

Сонымен қатар, балалар үшін ағылшын тілі курсы да іске қосылды. Заманауи білім беру талаптарына сай ұйымдастырылған курс оқушылардың тілдік қабілетін арттыруға, болашақта өз жолын табуға сеп болады.

Бұл бастамалар балалардың жан-жақты дамуына, білім мен тәрбие алуына мол мүмкіндік беріп отыр.