«Зекет және қайырымдылық» қоры Ұлттық балаларды оңалту орталығының 310 қызметкеріне арнайы ауызашар қоржындарын табыстады.

Айта кетейік, бұл – қордың қасиетті Рамазан айында көрсетіп отырған алғашқы көмегі емес. Бұған дейін орталықта ем алып жатқан бүлдіршіндердің ата-аналарына 95 ауызашар жиынтығы үлестірілген болатын.

«Зекет және қайырымдылық» қорына ізгі ниеттері мен көрсеткен қолдаулары үшін ұжым атынан шексіз алғыс білдіреміз.

Ниеттеріңіз қабыл болып, берекелеріңіз еселене берсін!