Қазақстан мұсылмандары діни басқармасының «Зекет және қайырымдылық» қорының директоры Мақсатбек Мақсотұлы Маңғыстау облысына арнайы іссапармен барды.

Іссапар аясында қордың өңірдегі жауапты мамандарына арналған «Қайырымдылық көрсетудің жаңа қағидаттары» тақырыбында семинар ұйымдастырылды.

Семинар барысында қайырымдылық жұмыстарын жүйелі жүргізу, мұқтаж жандарға көмек көрсетудің тиімді жолдары, сондай-ақ зекет пен садақаны шариғат талаптарына сай үлестіру мәселелері кеңінен талқыланды.

Жиында Маңғыстау облысының Бас имамы Әнуар Ізімбайұлы сөз сөйлеп, қайырымдылық пен жанашырлықтың қоғамдағы маңызына тоқталды.

Сонымен қатар, қатысушылар өзара тәжірибе алмасып, қайырымдылық саласындағы өзекті мәселелерді ортаға салды. Басқосу барысында қоғамдағы мейірімділік пен жанашырлық құндылықтарын дәріптеудің маңызы ерекше атап өтілді.

Жиын соңында өңірдегі қайырымдылық жұмыстарын жандандыру бағытындағы бірқатар ұсыныстар айтылып, алдағы жоспарлар пысықталды.