Құрбан айт мерекесіне орай ұйымдастырылған қайырымдылық шараларының қорытындысына арналған жиын өтті. Басқосуда мереке күндері атқарылған жұмыстар сараланып, қайырымдылық іс-шараларының нәтижелері талқыланды.

Жиын барысында Құрбан айт күндері жүзеге асқан «Құрбан айт – қайырымдылық көпірі» акциясының маңыздылығы атап өтіліп, мұқтаж отбасыларға көрсетілген көмектер жөнінде мәлімет берілді. Сондай-ақ, құрбандық етін тарату жұмыстарының ұйымдастырылуы, еріктілердің атсалысуы және өңірлерде өткен қайырымдылық шараларының тиімділігі сөз болды.