Шиелі ауданында ҚМДБ-ның «Ел үлесі – пәтерге» қайырымдылық жобасы аясында республика бойынша 914-баспананың кілтін табыстау рәсімі өтті.

Қуанышты шараға арнайы қатысу үшін Қызылорда облысына жұмыс сапарымен келген ҚМДБ-ның «Зекет және қайырымдылық» қорының директоры, РАНТ мүшесі Мақсатбек Қайырғалиев келді.

Қызметтік пәтердің кілтін салтанатты табыстау рәсімінде Мақсатбек Мақсотұлы қайырымдылықтың қоғамдағы орны туралы атап өтіп, баспаналы болған дін қызметкерін қуанышымен құттықтады.

Айта кетейік, «Ел үлесі – пәтерге» жобасы аясында еліміздің әр өңірінде баспанаға мұқтаж отбасыларға, сонымен қатар дін қызметкерлеріне тұрғын үй сыйлау дәстүрлі түрде жалғасып келеді.