ҚМДБ «Зекет және қайырымдылық» қорының ұйымдастыруымен әлеуметтік жағдайы төмен, көмекке мұқтаж азаматтарға қаржылай және азық-түлік көмегі көрсетілді.

Игі шара аясында бірқатар отбасыларға қаржылай сертификаттар табысталып, күнделікті тұрмысқа қажетті азық-түлік қоржындары үлестірілді. Бұл көмек қиын жағдайға тап болған азаматтардың қажеттіліктерін өтеуге және оларға қолдау көрсетуге бағытталған.

Қор тарапынан жүзеге асырылып жатқан қайырымдылық шаралары қоғамдағы өзара жанашырлық пен мейірімділік құндылықтарын нығайтып, мұқтаж жандарға демеу болуда.