Ақмола облысы Қоянды ауылы мешітінде ұйымдастырылған жазғы «Имани жаз» сауат ашу лагері өз мәресіне жетті. Лагерьдің жабылу рәсімі аясында көпбалалы және әлеуметтік аз қамтылған отбасылардан шыққан 40 балаға қайырымдылық көмек көрсетіліп, оларға костюм-шалбарлар сыйға тартылды.

Бұл игі шара балалардың көңілін көтеріп, жаңа оқу жылына дайындықтарына қолдау көрсету мақсатында ұйымдастырылды. Тәрбиеленушілер сыйлықтарға ерекше қуанып, өз ризашылықтарын білдірді.

Ұйымдастырушылардың айтуынша, мұндай қайырымдылық шаралары жас ұрпаққа қамқорлық көрсетіп қана қоймай, қоғамда мейірім мен жанашырлық құндылықтарын нығайтуға ықпал етеді.

Балаларға қолдау білдіріп, сауапты іске атсалысқан барша азаматтарға алғыс айтылады. Алла Тағала жасаған игі амалдарыңызды қабыл етіп, отбасыларыңызға береке мен молшылық нәсіп етсін!