Қазақстан мұсылмандары діни басқармасы «Зекет және қайырымдылық» қоры дәстүрлі «Мектепке жол» республикалық акциясы аясында Астана қаласындағы 5 оңалту орталығында ем алып жатқан ерекше балалардың отбасыларына ауқымды әлеуметтік қолдау көрсетті. Игі шара барысында 100 мұқтаж отбасының балаларына су жаңа мектеп сөмкелері мен толық жиынтықты оқу құралдары табысталды.

Жаңа оқу жылының қарсаңында ұйымдастырылған бұл бастама – ерекше қажеттіліктері бар балаларды қоғамға бейімдеу, олардың білім алуға деген құштарлығын ояту және әлеуметтік осал топтағы ата-аналардың жүгін жеңілдетуді мақсат етеді.