«Зекет және қайырымдылық» қорының қолдауымен әйелдердің кәсіптік дағдыларын дамытуға бағытталған «Шелкография» оқу курсы ұйымдастырылды.

Курс барысында қатысушылар шелкография әдісінің қыр-сырын меңгеріп, арнайы құрылғылармен жұмыс істеу, түрлі бұйымдарға бейне мен жазу түсіру бойынша тәжірибелік білім алды.

Оқу бағдарламасын сәтті аяқтаған қатысушыларға арнайы сертификаттар табысталды.

Жобаның негізгі мақсаты – әйелдердің жаңа кәсіп игеруіне мүмкіндік жасау, еңбекке баулу және болашақта өз кәсібін бастап, тұрақты табыс табуына қолдау көрсету.