«Зекет және қайырымдылық» қоры мен Actual Optic оптика орталығы бірлесіп, көру қабілеті төмен балалар тәрбиеленіп отырған екі отбасына қайырымдылық көмек көрсетті.

Игі шара жыл сайын қазан айының екінші жексенбісінде атап өтілетін Мүгедектігі бар адамдар күніне орай ұйымдастырылды.

Қайырымдылық акциясы аясында ерекше қажеттілігі бар балаларға арнайы көзілдіріктер тегін табысталып, отбасыларға қолдау көрсетілді.

Шараның басты мақсаты – балалардың көру мүмкіндігін жақсартуға ықпал ету, олардың өмір сапасын арттыру және әлеуметтік қолдауға мұқтаж отбасыларға жанашырлық таныту.

Ұйымдастырушылардың айтуынша, мұндай игі бастамалар қоғамда мейірімділік пен өзара қолдау құндылықтарын нығайтуға бағытталған.

«Зекет және қайырымдылық» қоры алдағы уақытта да мұқтаж жандарға көмек көрсетіп, қайырымдылық бағытындағы жұмыстарын жалғастыруды жоспарлап отыр.