«Зекет және қайырымдылық» қорының директоры Мақсатбек Мақсотұлы бастаған өкілдер Шығыс Қазақстан, Солтүстік Қазақстан және Абай облыстарындағы ірі шаруа қожалықтарын аралады. Сапар барысында төрт түлік малдың зекеті мен егін өнімінен берілетін ұшырдың маңызы түсіндірілді.

Іс-шараның негізгі мақсаты – шаруалар арасында зекет пен ұшырдың мән-маңызын кеңінен насихаттап, діни міндеттер туралы түсінікті арттыру.

Кездесу барысында шаруа қожалықтарының иелеріне төрт түлік малдың зекетін есептеу тәртібі, оны өтеудің шарттары мен егін өнімінен берілетін ұшырдың ерекшеліктері жөнінде ақпарат берілді.