Ақыл-есі дұрыс, ақша қоры шариғат өлшеміне жететін кәсіп иелеріне зекет беру – парыз. Шамасы қашан жетсе, содан бастап жыл сайын төлеуі тиіс.
Бір жыл немесе бірнеше жыл үшін берілмеген зекет есесі қарыз болып саналады және міндетті түрде өтелуі тиіс. Өтелгеннен кейін қалған ақшаның құны нисап мөлшеріне жетіп жатса ғана сол жыл үшін зекет беріледі.
Зекет – мал, өнім, тауар, ақша, алтын, күміспен де беріледі. Жер емген диқандар еккен өнімнен ұшыр төлейді.
Түркістанда бақша өнімдерін өсіру және сатумен айналысатын бір азамат зекетін “Хилует” мешітіне тапсырып кетті. 38 отбасыға бір-бір қаптан картоп, пияз жетті.
Зекет – мал-мүліктің ақысы болғанымен береке мен бақыттың бір кілті. Алла Тағаланың қақысын беру – шамасы жететін мұсылманның мойнынан түспейтін парыз.
Қарыз болмай төлеген игі. Рахман Иеміз қабыл Етсін, кәсібіне береке Дарытсын!