ҚМДБ "Зекет және қайырымдылық" қорының «Ел үлесі пәтерге» жобасы аясында баспанаға мұқтаж жандар жыл сайын баспаналы болып келеді.
Мысалы, ​Қостанай өңірінде бүгінге дейін 40-тан астам адам баспаналы болып, қоныс тойын тойлады.

Өткен қасиетті жұма күні Қостанай облысының бас имамы Бектұрсын Уәлиев және "Зекет және қайырымдылық" қорының облыстағы өкілі Бақытжан Икрам жамағат алдында «Аймағанбет қажы Спанұлы» мешітінің дін қызметкерлері Абзал Бейсекев, Марат Әбділдин және Нұрлан Сейдағалиевтерге пәтер кілттерін табыстады. Бұл "Ел үлесі пәтерге" жобасы аясындағы 778, 779, 780-ші пәтерлер болып табылады.

Көп қабатты тұрғын үйлер Қостанай қаласының «Әуежай» шағын ауданында орналасқан.