Елордада Қазақстан мұсылмандары діни басқармасының «Ислам және дәстүр құндылығы» жылы аясында «Зекет және қайырымдылық қорының» ұйымдастыруымен «QAIYRYMDYQ JARSHYLARY» IIІ республикалық еріктілер форумы өтті. Алқалы жиын барысында этноволонтерлікке қатысты тақырыптар, волонтерлік жұмыстарын көбейту, жас ұрпаққа ұлттық дәстүрді насихаттау, ел мен жерге деген махаббат, ұлт тарихынан үлгі алу, секілді мәселелер қозғалды.

Сондай-ақ, елімізде биыл көктемде су тасқыны кезінде аянбай, су тасқынын алдын алу үшін және оның салдарымен күресуге бір кісідей атсалысқан еріктілер Бас мүфти Наурызбай қажы Тағанұлы атынан алғыс хаттармен марапатталды.

Форум өз мәресіне жеткен соң, «ҚМДБ Зекет және қайырымдылық қорының» директоры Мақсатбек Қайырғалиев пен «QAIYRYMDYQ JARSHYLARY» қозғалысының бір топ еріктісі «Хусамуддин ас-Сығанақи атындағы ислам институтына барып, суға арналған кулерді сыйға тарту етті.

Еске салайық, «ҚМДБ Зекет және қайырымдылық қоры» Хусамуддин ас-Сығанақи атындағы ислам институтына әркез демеушілік жасап, барынша көмек көрсетіп келеді.