Қостанай қаласында «Адамзаттың асыл тәжі» атты рухани кеш өтті. Кеш барысында Қостанай облысының бас имамы Бектұрсын Торғайбайұлы мен «Зекет және қайырымдылық» қорының ерікті мүшесі Алмат Омаров «Ел үлесі пәтерге» жобасы аясында баспанаға мұқтаж екі азаматқа пәтер кілттерін табыстады.

Айта кетейік, ҚМДБ «Зекет және қайырымдылық» қорының «Ел үлесі пәтерге» жобасы аясында берілген 787, 788-баспана Алтынсарин ауданы мен Арқалық қаласының тұрғындары, дін қызметкерлері Әділет Қожан мен Нұрхан Бақтыбайға бұйырды.