Сахаба Әбу Һұрайра (оған Алла разы болсын) риуаят еткен хадисінде Пайғамбарымыздың (оған Алланың игілігі мен сәлемі болсын) : «Адам баласы дүниеден өткен соң амалы тоқтайды. Тек мына үш амалдың сауабы иесіне үздіксіз жетіп тұрады. Олар: жария садақа, пайдалы ілім, артынан дұға қылатын ізгі ұрпақ» дегенін жеткізген. Осы орайда Астанада «Жылу сыйла» қайырымдылық акциясы ұйымдастырылды.

Нақты айтқанда, акция аясында ҚМДБ «Зекет және қайырымдылық» қоры мен Түркия Республикасының Қазақстандағы елшілігі Астана іргесіндегі Пригородный шағын ауданы мен «Зекет HUB» орталығында әлеуметтік аз қамтылған, көп балалы, мұқтаж отбасыларға 50 тонна көмір үлестіріп, жүректеріне қуаныш, баспанасына жылу сыйлады. Сондай-ақ, 100 адамға азық-түлік себеттері мен қаржылай көмек таратылды.

Қайырымдылық жасаған адам ешқашан кедейленіп қалмайды «қолы ашықтың – жолы ашық» - деп халқымыз бекер айтпаса керек. Сондықтан да Алланың берген ризығынан аз да болса бір бөлігін Хақ Тағаланың разылығы үшін қайырлы істерге жұмсасақ, қоғамға тиер пайдасы мол болады деп ойлаймыз.

ҚМДБ «Зекет және қайырымдылық» қоры.