ҚМДБ «Зекет және қайырымдылық» қорының «Ел үлесі – пәтерге» жобасы аясында Ақмола облысы, Ерейментау қаласында көпбалалы отбасыға 804-ші баспананың кілті табысталды.

Игілікті шара «Зекет және қайырымдылық» қоры, «Тоқан хазрет» мешіті, Ерейментау ауданының шаруа қожалықтарының ұйытқы болуымен жүзеге асырылды.

Құттықтай келген мешіт ұжымы қуаныш иелеріне тұрмыстық техника мен азық-түлік беріп, жас шаңыраққа шашу шашты. Көпбалалы отбасының отағасы Қуат Кажбиев пәтер кілтін табыстауға келген қонақтар мен барша қол ұшын созған азаматтарға алғысын айтты.

Айта кетейік, 2020 жылдан бері «Ел үлесі-пәтерге» қайырымдылық жобасы аясында Ерейментау қаласында 3-ші баспана беріліп отыр.