Астанада Қазақстан мұсылмандары діни басқармасының 35 жылдығы мен қасиетті «Ережеп» айының құрметіне орай «Тайқазан» қайырымдылық акциясы ұйымдастырылды.

ҚМДБ «Зекет және қайырымдылық» қоры Астана қаласы өкілдігінің ұйымдастыруымен “Ар -Рахман” мешітінде өткен игі шарада аз қамтылған, көп балалы, асыраушысынан айырылған, ерекше балаларды өсіріп отырған 35 мұқтаж отбасыға азық-түлік себеттері таратылды. Игі шараға ҚМДБ «Зекет және қайырымдылық» қорының маманы Әли Мырзақұлов, қордың Астана қаласы бойынша өкілі Нұрбол Қабланұлы , “Ар -Рахман” мешітінің имамы Жандос Сейдахметұлы қатысты.

Акция аясында мұқтаж жандар алғыстарын айтып, «Зекет және қайырымдылық» қоры мен “Ар -Рахман” мешітінің жасап жатқан игі істеріне ризашылықтарын білдірді.