Қасиетті Рамазан айының соңғы күні Қостанай облысында «Ел үлесі – пәтерге» жобасының  829-пәтері табысталды.

«Аймағанбет қажы Спанұлы» мешіті жанындағы «Зекет және қайырымдылық» қорының тікелей мұрындық болуымен елімізде жүріп жатқан «Ел үлесі – пәтерге» жобасы аясында қостанайлық азамат Ербол Мухиядиновқа пәтер кілті табыс етілді. Бұл республикамыздағы көмекке мұқтаж жандарға беріліп отырған 829-баспана.

Аталған жиынға Қостанай облысының бас имамы Бектұрсын Торғайбайұлы сөз алып, мәдениет саласында қызмет атқарып жүрген азаматты жаңа қонысымен құттықтады.