ҚМДБ «Зекет және қайырымдылық» қоры Астана қыздар медресе колледжіне екі су жаңа интерактивті панельді тарту етті. Құны 2 миллион теңгені құрайтын заманауи құрылғылар студенттердің білім алуын оңтайландырып, оқу үдерісін жетілдіруге септігін тигізбек.

Сонымен қатар, қор өкілдері оқу орнының кітапханасына «Сопылық сыры», «Бабалар ізімен» және басқа да Мүфтият баспасынан жарық көрген бірқатар құнды кітаптарды сыйға тартты.

Бұл игі шара білім беру сапасын арттырумен қатар, рухани құндылықтарды дәріптеуге бағытталған. Аталған бастама Зекет қорының білім саласына қолдау көрсету және қайырымдылық іс-шараларын жүйелі түрде жүргізу мақсатындағы жұмыстардың бір бөлігі болып табылады.