Сыр өңірінің бас имамы Дастан Жанасұлы Байқоңыр қаласында жұмыс сапарымен болды.

Іс сапар Қызылорда облысы әкімінің орынбасары, ҚР Президентінің Байқоңыр қаласындағы арнаулы өкілі Қайрат Нұртай мырзамен кездесуден басталып, Қайрат Ырзақұлұлының және Байқоңыр қаласы "Отбасы қолдау" орталығының директоры Абай Байдуллаұлының қатысуымен өткен "Тайқазан" қайырымдылық шарасына ұласты. Акция аясында 50 мұқтаж жанұяға көмек көрсетілді.

Осыдан кейін құптан намазының алдында "Жәрімбет" мешітінде "Бауырмашылдық, ынтымақ-бірлік" тақырыбында уағыз жүргізіп, жамағатпен бірге Құран Хатым дұғасын жасады.

Сапар соңында "Бақдәулет" мейрамханасында ұйымдастырылған "Бірлігі бекем жамағат" рухани кешінің қонағы болды. 200 адам қатысқан берекелі басқосуда насихат айтылып, күмбірлеген күй мен жыр-термелер орындалды, сондай-ақ, "арқан тарту" ойыны ойнатылып, кәдесыйлар таратылды.

ҚМДБ-ның Қызылорда облысы бойынша өкілдігінің баспасөз қызметі

 

• 
• 
• 
• 
• 
• 
• 
• 
• 
•